Ýmis verkefni

Hér á eftir fer upptalning nokkurra atriða sem unnið var að á árinu 2019:

• Staðfest jafnlaunavottun lá fyrir í september 2019.
• Staðfest öryggisstjórnunarkerfi lá fyrir síðla árs 2019.
• Á árinu var unnið að smíði á nýjum dráttarbáti fyrir Faxaflóahafnir sem er með 80 tonna togkraft. Nýr bátur, sem fékk nafnið Magni var afhentur í byrjun mars 2020, en eldri Magni fékk nafnið Haki.
• Á fyrri hluta árs 2019 var samþykkt áhættustefna og öryggisstefna fyrir Faxaflóahafnir sf.
• Samþykkt var jafnréttisstefna fyrir Faxaflóahafnir sf. í aprílmánuði 2019 auk þess sem starfsmannastefna fyrirtækisins var uppfærð.
• Unnin var skýrsla á vegum Ernst og Young um hafnarþjónustu og mismunandi form þeirrar þjónustu.
• Mat gert á ávinningi landtenginga flutningskipa í Sundahöfn, unnið af Íslenskri Nýorku.
• Þann 5. nóvember 2019 var að vanda haldið málþing á vegum Faxaflóahafna um verkefni fyrirtækisins og málefni sem áhugaverð eru í tengslum við hafnarstarfsemina. Málþingið hefur verið árlegur viðburður síðustu ár.
• Undirrituð var yfirlýsing 10 hafna á Norðurlöndum um samstarf í umhverfismálum.
• Unnið var áfram að gerð eigendastefnu Faxaflóahafna.
• Í lok árs var sú breyting gerð á gjaldskrá Faxaflóahafna að gjaldtaka framhalds- og milliflutninga miðast við ákveðið verð á hverja gámaeiningu. Sú breyting verður metin með hliðsjón af því hvort unnt sé að einfalda gjaldskrá Faxaflóahafna vegna vörugjalda með sama eða svipuðum hætti.